Berdintasuna

Azken urteetan, aurrerapen ukaezinak izan dira berdintasunari dagokionean. Oinarrizko eskubideak lortzeko eta eta diskriminazioak kentzeko helburuekin, mugimendu feministak eta emakumeen mugimenduak eginiko aldarrikapenei esker lortu da hori.

Aldarrikapen hauek agerian ipini eta ipintzen dute emakume eta gizonen arteko ezberdintasunak errotuta daudela, estereotipo kultural eta sozialetan oinarrituta. Horren ondorioz, ezinbestekoa da botere publikoen esku-hartzea, gizartearen eremu guztietan beharrezkoa den benetako berdintasuna lortu ahal izateko.

Gizarte berdinzaleagoa ahalbidetzeko politikak bultzatzeko lana ez dagokie bakarrik udalez gaindiko organoei. Udalaren edo, gure kasuan, mankomunitatearen esparrutik egin behar da lan hori, pertsonengandik hurbilago daudelako. Uribe Kostako Zerbitzu Mankomunitateak badu Berdintasun Saila, teknikari adituekin.

Berdintasun arloko zerbitzuaren helburua da, modu aktiboan, berdintasunaren printzipioa sartzea, udalaren eta mankomunitatearen egituretan, eta ekintza publikoaren maila guztietan. Horrela, herritarren sentsibilizazioa eta parte-hartzea sustatzen da, gaur egungo desberdintasun egoerak aldatzeko xedez.